Bizkaibuseko ELA, LAB, UGT, CCOO eta USO sindikatuetako ordezkariek mobilizazioen egutegia erregistratu zuten atzo. Bihar eta urriaren 1ean elkarretaratzeak egingo dituzte Bilbon, Bizkaiko Foru Aldundiaren aurrean, eta jarraian manifestazioa egingo dute.
Urriaren 3an bi orduko lanuzteak hasiko dituzte, eta hil horren 6, 9, 13, 15, 17, 20, 21, 23 eta 24an greba egingo dute. Urriaren 27tik aurrera, berriz, greba mugagabekoa izango da.
Sindikatuen arabera, diputazioak ez du iazko urriaren 4an hitzartutakoa betetzeko "asmorik". Itun hori "errespeta dadila" eskatu dute.
