BIHARTEAN, LANKIDETZARAKO BIDE

Lapurdiko eta Gipuzkoako enpresen arteko harremanak suspertzeko, Bihartean elkartea sortu dute bi herrialdeetako merkataritza ganberek. Enpresetan egindako inkesten arabera, merkatu ezagutza falta eta hizkuntza izan dira orain artean oztopo nagusiak. Horiei aurre egitea izango dela Biharteanen helburuetako bat azaldu zuten atzoko aurkezpenean Jean-Marie Berckmans eta Pedro Esnaola bi merkataritza ganberetako presidenteek.