Zuzeneko zergen bilketa %0,6 igo da urtebetean; zeharkakoena, berriz, %3,4 jaitsi. Zuzeneko zergen bitartez 3.121 milioi inguru jaso zituen aldundiak 2012an, eta 3.103 milioi 2011n. Zeharkako zergekin, 2.329 milioi eskuratu zituen iaz, eta 2.411 milioi 2011n.
Pertsona fisikoen gaineko errenta zerga (PFEZ) %1 hobetu da, eta lan atxikipenek %0,3 egin dute behera. Sozietateen gaineko zerga %3,1 jaitsi da, eta ondarearen zergarekin guztira 61,8 milioi bildu ditu aldundiak.
Gipuzkoak 2011n baino %0,5 gehiago bildu zuen iaz zergatan. Bereziki ondare zerga berreskuratu izanak konpentsatu du zeharkako zergetan izandako beherakada.
