Jose Mari Iruarrizaga Bizkaiko Foru Aldundiko Ogasun diputatuak jakinarazi du joan den urtean 560 milioi euroko iruzur fiskala izan zela atzeman dutela, eta adierazi du %70 berreskuratu dutela. 560 milioi horiek Aldundiaren Giza Ekintzaren urteko aurrekontua suposatzen dutela adierazi du.
Fiskaltzari hamasei txosten aurkeztu dizkio Aldundiak, deliturik izan zen jakiteko. 2011n auzitegiek iruzurrari buruzko bederatzi epai eman zituztela esan du diputatuak eta haietatik zazpi zigorrekoak izan zirela.
Zergak kontrolatzeko eta diru bilketarako administrazioen arteko elkarlanaren alde azaldu da, eta hori egiten dela esan du.
