Bizkaiko Bildotsaren ekoizpena %25 haziko da

BILBO Iazko «arrakastak» bultzatuta, Bizkaiko Bildotsa ekimenarekin jarraitzeko akordioa sinatu dute Erralde hiltegiak, artzainek, harakinek eta EHNE sindikatuak. Aurten, gainera, %25 igoko da etiketa horrekin saldutako bildotsen kopurua, eta artzainek ere %4,2 gehiago kobratuko dute. Bizkaiko artzainek hazitako bildotsak merkaturatzea da ekimenaren xedea.