Blackberryk arazoak izan ditu Ipar Amerikan ere

NEW YORK. Hirugarren egunez jarraian, Blackberryren milioika erabiltzailek arazoak izan zituzten atzo mezuak bidaltzeko. Etengailuan arazoak izan zituela aitortu zuen konpainiak herenegun, baina konpondu zuela esan zuen. Atzo, ordea, AEBetara, Kanadara eta Mexikora zabaldu zen arazoa. Horrek eraginda, enpresaren akzioak %1 jaitsi ziren.