BORTZIRIAK, BURUA ALTXATU NAHIAN

Ia 500 lagun atera dira kalera, Bortzirietan, eskualdea zulotik ateratzeko neurriak eskatu eta lanpostuak defendatzera. 1.200 lagun baitaude lanik gabe eta 2.000 langiletik gora erregulazioan. Arantza, Bera eta Etxalarko udalek deituta, bi orduz lan egiteari utzi diote eskualdeko denda, taberna eta enpresa txikien hiru laurdenek. Enpresa handietan oihartzun txikiagoa izan du deialdiak. Elkarretaratzeak egin dituzte herri guztietan, eta manifestazioa Beran.