Suitzako Zigor Auzitegiak ezarr idio zigorra Herve Falcianiri. Hura, ordea, Frantzian dago, eta bertatik ezin dute estraditatu; hortaz, ez dirudi oraingoz zigor hori beteko duenik.
Urriaren 12rako deitu zuten deklaratzera, baina, agertu ez zenez, atzeratu egin zuten epaiketa, azaro hasierara. Orduan abiatu zuten haren aurkako epaiketa Bellizonen, Suitzan, nahiz eta Falciani bera auzitegira ez agertu. Falcianik iragarria zeukan deklaratzeari uko egiteko premisa, ez zuelako baldintza askirik ikusten "bidezko" epaiketa bat egiteko.
Falcianik HSBC bankuak milaka bezerori zergak saihesten lagundu ziela azaleratu zuen 2009an. Hark ebatsitako artxiboetan oinarrituta taxututako zerrendak mundu osoan harrotu zituen hautsak.
