Brent upela prezio historikoarekin hasi da gaur: 48,35 dolar

1988an International Petroleum Exchangek merkatuan bere jarduera hasi zuenetik punturik altuena izan du Brent upelak: 48,35 dolar. Eskaintzak eskariarekiko duen urritasunak eta eskasiak, eta hornikuntzan eman litezkeen etenaldiek, petrolioaren prezioaren igoera dakar. Eguneko 82 milioi upeleko eskaria dago munduan, baina adituek eskaintza nahikoa izango ez dela uste dute. Ekialde Hurbileko eta Irakeko egoerak, Nigeriako ezegonkortasun politikoak eta Ivan hurakanak sortutako kalteak dira eskaintza gutxitzearen arrazoi nagusiak.