Bukatu dira auto berriak erosteko diru laguntzak

GASTEIZ. Euskadi 2000E egitasmoaren barruan, auto berriak erosteko laguntzetan erabiltzeko bost milioi euroak agortu dira. Hala jakinarazi du SPRIk, Eusko Jaurlaritzaren laguntzak kudeatu dituen erakundeak. Egitasmoa arrakastatsutzat jo dute, aurrekontuak bost hilabete besterik ez baitu iraun. Orotara, 10.000 auto erosteko laguntzak eman ditu.