Bundesbankek baztertu du bankuen batasuna sortzea

Europako Batasuneko —edo behintzat euroguneko— bankuak agintaritza eta kontrol bakarraren menpe jartzeko ideia baztertu du Bundesbankek. Alemaniako banku zentraleko lehendakariordeak, Sabine Lautenschaegerrek, ziurtatu du bankuak ezin direla batu aurrekontu politika bateratu aurretik. Bundesbankek bereziki kritikatu du gordailuen bermerako funtsak bateratzeko proposamena, alemaniarren gordailuak beste herrialdeetako krisiak konpontzeko baliatuko liratekeelakoan. Europako Banku Zentralean denak ez daude ados Bundesbankekin. Atzo, Vitor Constancio EBZko lehendakariordeak ziurtatu zuen posible dela lehenik bankuak batzea, eta EBZ sistema gainbegiratzea proposatu du.