Butano bonbona ez da garestituko urtarrilean

DONOSTIA. Urtarrilaren 1etik aurrera, 15,09 euro balioko du butano bonbona batek—BEZ balio erantsiaren zerga eta guzti—, gaur adina. Urtearen hasieran bonbonaren prezioa dagoenean uztea erabaki du Espainiako Industria Ministerioak. Aurten, baina, lau bider garestitu dute, hiruhileko bakoitzaren hasieran prezioa igotzea erabaki baitzuten.