Caballitoko langileek manifestazioa egin dute greban urtebete daramatela gogorarazteko

Caballitoko langileek manifestazioa egin dute gaur Gasteizen, greban urtebete daramatela gogorarazteko. Eusko Jaurlaritzako lehendakari Juan Jose Ibarretxeri eskutitz bat emateko asmoz Ajuria Enera joan dira, baina ertzainak aurkitu dituzte, parez pare. Manifestazioaren hasieran zeudenek borra-kolpe batzuk ere hartu dituzte barrura joateko saiakera egin dutenean. Ibarretxeren idazkariak hartu die azkenean eskutitza. ELAk, LABek, USOk, ESK-k, UTLk eta Ikasleen sindikatuek bat egin dute manifestaioarekin.