CAFek Erresuma Batuko trenbide sarearen azpiegiturak modernizatzen parte hartuko du. Zehazki, seinaleztapen digitalaz arduratuko da, beste enpresa batzuekin batera. Lan horiek 3.000 milioi liberako (3.500 milioi euroko) aurrekontua dute. Ez dute jakinarazi kopuru horretatik CAFi zenbat dagokion.
Datozen hamar urteetan egingo dituzte lanak. Denbora horretan, Erresuma Batuko Gobernuak erabateko aldaketa egin nahi du herrialdeko trenbide sarean.
Network Rail Erresuma Batuko trenen azpiegituraren administratzaileak aste honetan jakinarazi du zein enpresak irabazi duten kontratu handi horri dagozkion lanen lizitazioa. Beasaingo (Gipuzkoa) multinazionala CAF Signalling filialaren bitartez arituko da, Kanadako AtkinsRealisekin partzuergoan, eta sektoreko besterik enpresa handienetako batzuekin batera: Alstom, Siemens, Hitachi eta Thales-VolkerRail.
