CAFek hemezortzi tranbia egingo ditu Hungariarako

BEASAIN. Hungariako Debrecen hirirako hemezortzi tranbia egiteko lehiaketa publikoa irabazi du CAFek. Horien truke 44 milioi euro jasoko ditu Beasaingo enpresak. Lehen tranbiak datorren urtean entregatu beharko ditu CAFek, eta 2012an gainontzekoak. Debrecen, tamainari dagokionez, Hungariako bigarren hiria da, 217.000 biztanlerekin, eta Errumaniatik eta Ukrainatik hurbil dago.