CAFeko langileak protestan hasiko dira gaur

BEASAIN. CAFeko langileek ordubeteko lanuzteak egingo dituzte gaur, bihar eta asteartean, salatzeko enpresak 40 edo 60 langileri aldi baterako kontratuak ez luzatzea erabaki duela. Erabakia bertan behera uzteko eskatu zieten herenegun langileek zuzendaritzari, baina ezezkoa jaso zuten. Jarrera horri eusten badio, mobilizazioak gogortuko dituztela ziurtatu du enpresa batzordeak.