Caixabank eta Banca Civica kotizatzen hasi dira gaur goizean berriro, bi erakundeetako administrazio kontseiluek bat egiterako oniritzia eman ondoren. Hala jakinarazi du Balore Merkatuaren Espainiako Batzordeak.
Banca Civicak %7,66ko jaitsiera izan du (2,22 eurotik 2,05 eurora); Caixabankek, berriz, %5,35eko igoera (3,25 eurotan kokatu da).
Atzo eten egin zuten egun osoan bien kotizazioa, fusiorako xehetasunak hitzartzeko bilerak egin aurretik.
Kontseiluen bileren ondoren erabakitakoaren arabera, Nafarroako Kutxa Caixabanken urtuko da, Banca Civica desagertuta. Caixabankek 979 milioi ordainduko ditu Banca Civicaren truke, iragan ostiralean burtsan balio zuena baino %11 gutxiago.
