CAIXAREN BANKUA LEHENBIZIKOA

Estreinaldi erosoa izan zuen Caixabank-ek burtsan. Caixa aurrezki kutxaren finantza aktiboak biltzen ditu banku horrek, eta kutxak banku bihurtzeko bidean lehen pausoa eman duen erakundea da. Akzioen balioa %2 handitu zen, eta 4,9 eurotan amaitu zuten eguna. Madrilgo burtsan saioa hasteko ekitaldian —kanpaia jotzea—, Isidre Faine Caixako lehendakaria izan zen protagonista. Uztailaren 20an hasi behar dute kotizatzen Banca Civicak eta Bankiak.