Capraboko langileek kaleratzeak salatu dituzte

BARTZELONA. Caprabo Eroski taldean sartu zenetik «bidegabeko hainbat kaleratze» egin direla salatu dute supermerkatu kateko langileek, azken urtebetean, berrehun inguru. Elkarretaratzea egin dute Bartzelonako Sant Jaume plazan. Jendea bidaltzeaz gain, lan jazarpena eta jazarpen sindikala jasan dituztela adierazi dute. Caprabok 266 saltoki ditu Katalunian, eta Eroskik %75eko parte hartzea du.