LAB sindikatuak baieztatu du Orioko (Gipuzkoa) Berriz Ave Maria baporean lanean ari zen arrantzale bat hil dela gauean. 55 urteko gizonezkoa da hildakoa, kantabriarra (Espainia). Sarea uretara botatzen ari zirela erori da gizonezkoa, eta uretan ito da, sarean korapilatuta. Ez dago argi zergatik eta nola erori den. Tripulazioko kideek atera dute uretatik, baina ordurako itota zegoen.
LAB sindikatuaren arabera, argi gelditu da beharrezkoa dela arrantza arautzea. "Sektore honetan ematen diren baldintza gogorrak eta bertan ematen den prekarietatea azpimarratu nahi dugu, lan ordua luzeak eta ia atsedenik gabeko lanaldiak dira istripu hauen iturburuak".
