CCOOren ordezkari bat hil da amiantoaren eraginez

BILBO. Jose Maria Zabalo CCOOren ordezkaria eta Beasaingo CAFeko langile ohia hil zen atzo, amiantoak eragindako gaixotasunen ondorioz. Zabalok amiantoarekin lan egin zuen 1959tik 1973ra. Gizarte Segurantzak ezintasun osoa onartu zion, laneko gaixotasunagatik. Mutualiak helegiteak aurkeztu zuen. EAEko CCOOk nabarmendu du laneko minbiziek lan istripuen halako hamar heriotza eragiten dituztela.