Christopher A. Sims eta Thomas J. Sargent estatubatuarrei emango diete aurtengo Ekonomiaren Nobel saria, Suediako Zientzien Errege Akademiak gaur jakinarazi duenez. "Makroekonomiaren arrazoi eta eraginei buruz egindako ikerketengatik" sariko dituzte.
Sargent (1843) New Yorkeko Unibertsitateko irakaslea da. Sims (1942), Princetongoa.
2011ko Nobel saridun guztiak
- Medikuntza. Jules Hoffmann, Bruce Beutler eta Ralph Steinman-i, immunitate sistemaren ikerketagatik.
- Fisika. Saul Perlmutter, Brian P. Schmidt eta Adam G. Riess-i, unibertsoaren hedapen azkarrari buruz egindako lanengatik.
- Kimika. Daniel Shechtmani, kuasikristalen aurkikuntzagatik.
- Literatura. Tomas Transtromerri, "errealitaterako bestelako sarbide bat" eskaintzen duen obra poetikoagatik.
- Bakea. Ellen Johnson Sirleaf, Leymah Gbowee eta Tawakkul Karmani, emakumeen eskubideen aldeko borrokagatik.
- Ekonomia. Christopher A. Sims eta Thomas J. Sargenti.
Stockholmen izango da sari banaketa ekitaldia, Bakearen Nobel sariarena izan zen —hori Oslon izan ohi da—. Biak ere, abenduaren 10ean.
Saritu bakoitzak 1,1 milioi euro jasoko ditu.
