Confebaskek soldatak izoztu nahi ditu

BILBO. Confebaskentzat, ez dira nahikoak CCOOk, UGTk, CEOEk eta CEPYMEk hitzartutako soldata igoerak eta negoziazio kolektiboaren aldaketak. Aurten gehienez %0,5eko soldata igoera eta 2013an %0,6koa hitzartu zituzten. Confebaskek, ordea, uste du «Espainiako ekonomia» ez dagoela soldatak igotzeko moduan, eta izozteko eskatu du, «ez bakarrik lehiakortasunari eta enpleguari eusteko, baita kasu askotan enpresen iraupena ziurtatzeko ere».