Edonola ere, gutxiengoa dira langilearen behin betiko kaleratzea eragiten duten dosierrak. Hain zuzen ere, %6 baino gutxiago dira, baina 2.330 behargin kalean utzi dituzte. Espainiako Lan Ministerioak ez du eman akordioarekin onartu diren erregulazioei buruzko daturik, ezta ere administrazio bakoitzak onartu dituen eskaeren banaketa.
Eusko Jaurlaritzak eta Nafarroako Gobernuak emandako informazioaren arabera, langileak eta enpresaburuak itunduta iritsi zaizkie oraingoz dosier gehienak. Orotara, %87 dira akordio bidez argitu direnak. Haatik, txikiagoa da akordio horiek estali dituzten langile kopurua. Hain zuzen ere, Jaurlaritzak 7.300 langilek, %25 inguru, erregulazio izatea erabaki zuen, aldez aurretik enpresa eta sindikatuen artean akordiorik ez zegoen arren. Errefusatu dituen eskaerak ez ditu zehaztu Lopezen gobernuak. Nafarroan bi baino ez dira izan.
Erregulazioan
Dosierrak. Langileak.2007. 509. 8.634
2008. 760. 23.833
2009. 1.253. 44.284
Urtarrila. 237. 5.792
Otsaila. 317. 16.545.
Martxoa. 332. 11.050
Apirila. 367. 10.987
