Danielle Mitterrandek sostengua agertu dio Euskal Herriko Laborantza Ganberari. France Liberte fundazioko presidente eta François Mitterrand Frantziako lehendakari ohiaren alargunak Pirinio Atlantikoetako prefetaren jarrera salatu du. Ez zaio bidezkoa iruditzen "izenaren aitzakiaz baliatzea ardura zibikoz jokatzen ari diren laborariengan presioa egiteko".
Mitterrandek Euskal Herriko Laborantza Ganberaren proiektua goraipatu du. "Laborantza iraunkorraren bidearen bidez biharko mundua eraiki nahi dutenen aurka oldartzen da" prefeta, Mitterranden ustez. Heldu den udaberrian Ipar Euskal Herriko Laborantza Ganberaren egoitzara (Ainitze-Monjolose, Nafarroa Beherea) bisita eginen duela jakinarazi du Mitterrandek.
Gero eta gehiago dira Euskal Herriko Laborantza Ganberari sostengua ekartzen diotenak. Euskal Herri osoko hainbat pertsonalitatez gain, Frantziako pertsonalitate ospetsuek ere bat egin dute Laborantza Ganberarekin.
Ekonomia
Danielle Mitterrandek sostengua agertu dio Laborantza Ganberari
Pirinio Atlantikoetako prefetaren jarrera salatu du, laborariei presioa egiteagatik. Euskal Herriko Laborantza Ganberaren proiektua goraipatu du.
Iruzkinak
Ez dago iruzkinik
Ordenatu
