Eusko Jaurlaritzaren gobernu kontseiluak gaur onartu du 2016. urterako aurrekontu proiektua. 10.639 milioi euroko aurrekontua izango du. Hortaz, 294,3 milioi euro gehiago gastatu ahal izango ditu Jaurlaritzak, iaz baino %2,8 baino gehiago. Sailez sail, Osasun Sailean gastatuko da gehien: 3.422 milioi euro. Hezkuntza Sailera 2.841 milioi euro bideratuko dira —iaz baino %1,5 gehiago—. Lan eta Gizarte PolitikaSailera, berriz, 1.085,8 milioi euro —%1,5eko igoera—. Rikardo Gatzagaetxebarria Jaurlaritzako Ogasun eta Finantza sailburuak aurkeztu du proiektua. Xehetasun gehiago, ordea, ostiralean jakingo dira, proiektua Eusko Legebiltzarrean erregistratzen dutenean.
Aurrekontuak %2,8 handituko dira, baina benetan sailek politikak praktikan jartzeko eskura duten dirua ez da hainbeste igoko; %1 baino ez da igoko gastu erreala.
