Diru kopuru sinboliko bat atera zuela dio Cantonak

PARIS. Herenegun Frantziako Peronne herriko sukurtsal batetik «diru kopuru sinboliko bat» atera zuela ziurtatu du Eric Cantona futbolari ohi eta aktoreak. Haren adierazpen batzuetan oinarrituta, abenduaren 7a banku sistema kolokan jartzeko egun izendatu zuten internauta batzuek. Bankuetan eta kutxetan zituzten aurrezkiak ateratzera dei egin zieten herritarrei. Baina deialdiak arrakasta txikia izan zuen. Zenbait iturrik zabaldu zuten Cantonak berak ere ez zuela dirurik atera.