Joan den apirilean, Espainiako Ogasun Ministerioak autonomia erkidegoei %0,3tik %07ra handitu zien defizit helburua, eta, beraz, EAE helburu hori betetzen duten erkidegoen taldean izango da, Fedea Ekonomia Aplikatuko Ikasketen Fundazioaren iragarpenaren arabera, BPGaren %0,4ko defizitarekin amaituko baitu 2016a. Nafarroak, berriz, %1,1eko defizitarekin, ez du beteko Cristobal Montorok ezarritako helburua.
Urte askoan lehen aldiz Espainiako defizit autonomikoak bete egingo du Ogasun Ministerioak ezarritako %0,7ko helburua, BPGaren gaineko %0,6ko defizitarekin. Lau izango dira, Fedearen ustez, urtea orekarekin edo superabitarekin itxiko duten erkidegoak: Kanariak (%0,6), Andaluzia (%0,3), Galizia (%0,3) eta Asturias (%0,0). Defizita izango dutenen artean, zenbaki okerrenak dituztenak Extremadura (%1,4) eta Murtzia (%1,6) dira.
