Eusko Jaurlaritzak esan du EAEko erakundeetako eskumen bikoizketek gutxienez 403 milioi euroko gastua eragiten diotela erkidegoari. Manu Salinero Lehendakaritzako idazkari nagusiak eta Carlos Agirre Ekonomia sailburuak gaur aurkeztu dute Eusko Legebiltzarrean Araba, Bizkai eta Gipuzkoako erakundeetako bikoizketei eta "eraginkortasun gabeziei" buruzko txostena, eta, ondorioen arabera, “eskumen sistemaren araudia berrikusteko” ordua da. "Euskadi txikiegia da gauza guztietatik hiru izateko”, esan dute.
Salinerok legebiltzarrari “elkarrekin hausnartzeko” eskatu dio, baita EAEko erakunde sisteman egon litezkeen bikoizketa eta eraginkortasun gabezia horiek saihesteko ere.
