EAEko industria esportazioen %14 eta Nafarroakoen %2,6 Mondragon taldeak egin zituen 2002. urtean

MCC taldeko kooperatiba industrialek 1.643 milioi euroko esportazioak egin zituzten 2002. urtean. Hego Euskal Herrian ekoiztutakoaren %47 Espainia ez beste herrialde batera bideratu zuen MCCk. Araban, Bizkaian edo Gipuzkoan egoitza dutenek hiru lurralde horietako esportazioen %14,5 osatu zituzten, eta Nafarroakoen %2,6, berriz, lurralde horretan kokatutakoek. MCCk azaldu duenez, esportazio horiek «nabarmen hobetu dute» Hego Euskal Herriko merkataritza balantzea. Izan ere, MCCko enpresek milioi bat euroko superabita gehitu diote merkataritza balantzeari.