Bilboko lan arloko epaitegiak 2013ko azaroan esan zuen indarrean zela Bizkaiko metaleko ituna, nahiz eta 2003koa izan. Eta gauza bera berretsi zuen atzo EAEko Justizia Auzitegi Nazionalak, LAB sindikatuak jakinarazi duenez. Metalgintzako patronalak oraindik badu Espainiako Auzitegi Gorenean helegitea jartzeko aukera.
Auzitegi Nazionalaren berrespenak Bizkaiko 50.00 langileren lan baldintzak bermatzea ekarri behar luke, ituna indarrean egonda sektore horretako langile guztiei aplikatu behar baitzaie. Sindikatuaren arabera, erabakia "jorraldi judiziala" da Bizkaiko metaleko enpresen federazioarentzat, eta albiste ona dela uste du, langileen lan baldintzak bermatzeko bidean. Dena den, ohartarazi du ez direla epaitegiak izango itun kolektiboaren arazoa gaindituko dutenak.
Ildo horretan, itun berri baten beharra azpimarratu du, sektoreko langile guztientzako baldintza duinak ezarriko dituena eta lan erreforma mugatuko duena.
