EAJk, PSE-EEk eta PPk atzeratu egin nahi dute Kutxabankeko Araba, Bizkai eta Gipuzkoako aurrezki kutxetako zuzendaritzen osaera berria, kutxen lege berria izan arte. Ondorioz, neurria aurrera aterako balitz, zuzendaritzetan Bilduren parte hartzea atzeratu egingo litzateke. Hiru kutxak zuzendaritzen berritze prozesuetan daude orain.
Eusko Legebiltzarrak aipatutako legea egitean berritu egingo dituzte zuzendaritzak, eta EAJk, PSE-EEk eta PPk ez dute nahi aurretik beste berrikuntzarik izaterik, pare bat hilabeteren buruan bi hauteskunde prozesu leudekeelako. Ricardo Gatzagaetxebarria legebiltzarkide jeltzalearen arabera, kutxak beraiek ere "kezkatuta" daude horrekin.
Kutxetako agintaritzetako epea salbuespen gisa luzatzeko "legeren bat" beharko dela esan du Gatzagaetxebarriak. EAJk, PSE-EEk eta PPk datozen egunetan emendakin bat aurkeztuko dute hori lortzeko asmoz.
Araba, Bizkai eta Gipuzkoako aurrezki kutxetako zuzendaritzetan hiru alderdien artean gehiengo osoak dituzte.
