EBZ Europako Banku Zentralak zorraren krisian esku hartu eta 22.000 milioi euroren trukeko zor subiranoa erosi zuen joan den astean, eurogunekoa, Irlanda, Portugal, Italia eta Espainiakoa.
Orain arte, 96.000 euroren trukeko zorra erosi du EBZk eurogunean, eta praktika hori eztabaida iturri bihurtu da erakundearen barruan. Izan ere, EBZko buruzagitzako kide Jurgen Stark Italia eta Espainiako zorra erostearen kontra agertu zen, eta baita Bundesbankeko presidente Jens Weidmann ere. Halaber, Herbehereen, Luxemburgoren eta Finlandiaren iritziaren kontra egin bide da erosketa. Nolanahi ere, zorra erosi izanak Espainia eta Italiako zorra egonkortzen eta bideratzen lagundu du.
