Hamar orduko online ikastaroa eskainiko du Asmoz fundazioak ekainaren 1etik aurrera. "Badakigu egiaz zer den Barne Produktu Gordina eta zertarako erabiltzen den? Badakigu zer diren Defizita eta Zorra; zer-nolako harremana duten eta zer-nolako ondorioak dituzten egungo errealitatean? Eta badakigu nola begiratzen diren?". Galdera horiei erantzuteko asmoz prestatu dute ikastaroa, euskaraz nahiz gaztelaniaz.
Bertan, adierazle ekonomiko oinarrizkoak aurkeztuko dituzte, estatistika ofizialetako webguneetan informazioa nola bilatu irakatsiko dute eta estatistika-datuak interpretatu eta alderatzen ikasi ahal izango da.
Ikastaro irekia izango da, batez ere praktikoa, eta osorik burutzen dutenek agiri bat jasoko dute. Sei modulutan zehar argituko dituzte funtsezko kontzeptuak.
