Baikor agertu da Iñigo Urkullu lehendakaria EAEko aurreikuspen ekonomikoei dagokienez. Legebiltzarreko osoko bilkuran iragarri du datozen si hilabeteetan ekonomiak "hazten" jarraituko duela eta, hala, urte amaierarako BPGa %1,7 haziko dela.
Bide batez, langabezia tasa murriztea ere espero du Jaurlaritzak. Haren datuen arabera, 6.000 langabe gutxiago egongo lirateke urtearen amaierarako. Espainiako Lan Ministerioak maiatzean plazaratutako datuen arabera, 174.867 langabe zeuden joan den hilean EAEn.
Datorren urteko aurrekontuei buruzko galderari erantzunez eman ditu azalpenok Urkulluk.
Datu horietan oinarrituta, Urkulluk nabarmendu du Jaurlaritzak ekonomia sustatzeko bultzatutako programek arrakasta izan dutela. "Bi urte eta erdiko atzeraldiaren ostean, ekonomia hazten ari da, eta aurrerantzean ere hazten jarraituko dugu".
