Ekonomiari bultzada emateko prest dago Fed

AEBetako Erreserba Federaleko presidente Ben Bernankek ziurtatu du «modu egokian ekonomiari bultzada emateko prest» dagoela. Bernankek onartu du hazkundea uste baino motelagoa dela, eta kontsumo apalagatik dela esan du. Kontsumoa bultzatze aldera, Fedek epe luzeko interes tasak jaitsarazi nahi ditu. Adituek diotenez, epe motzeko zorra erosi eta epe luzekoa egonkortuko du; hartara, azken horien interesak murrizteko. Erabaki hori hilaren 20 eta 21eko bileran edo urrikoan egingo ote duen ez dago hain garbi. Interes tasa ofizialak gehiago jaisteko aukera ez du Bernankek —%0 eta %0,25 artean daude—, baina agindu dute horrela egongo direla 2013 arte gutxienez.