ELA: «Erreformak babes soziala murriztuko du»

«Konstituzioaren aldaketak politika neoliberalek dakarten herritarren txirotasuna konstituzionalizatzea dakar», salatu du ELAk. Sektore publikoari zorpetzeko mugak jartzeak «babes soziala eta pribatizazioak» ekarriko dituela uste du sindikatuak, eta ziurtatu du gizarte gastuek ez dutela defizita eta zorra eragin. Gainera, ELAk uste du autogobernuari eraso egiten diola, BPGaren %0,14ko defizit muga inposatzen dielako erkidegoei. ELArentzat «eskandalua» da erreforma galdeketarik gabe eta abuztuan egin izana, eta Islandiarekiko aldea oroitarazi du. Han, batzarren bidez konstituzioa aldatzeko prozesua zabaldu dute, eta ez dituzte onartu «merkatuek eta bankuek eskatutakoak.