Gipuzkoako metaleko grebaren bezperan, beste protesta baterako deia egin du ELAk. Astebeteko greba antolatu du sektorean, eta Araban, Bizkaian eta Gipuzkoan izango du eragina. Gainerako sindikatuei ere elkarlanerako proposamena egin die ELAk, batez ere LABi.
Sindikatuak jakinarazi du "negoziatzen ari diren enpresetako langileentzat" dela greba. "Grebaren aurreko garaian edo greban zehar akordioak ixten dituztenak deialditik kanpo geratuko dira", zehaztu du. Sindikatuaren esanetan, mobilizazio proposamenak ADEGIk, SEAk eta CEBECek egiten duten blokeoa apurtuko du. Uztailaren 7an, lan erreformaren eraginez, Bizkaiko 55.000 langile, Gipuzkoako 50.000 eta Arabako 12.000 gera daitezke lan hitzarmenik gabe.
