Negoziazio kolektiboaren eta lan erreformaren aurka, mobilizazio astea antolatu du ELAk. Gaur izan dira lehen protestak. Hain zuzen, Hego Euskal Herriko lau patronalen egoitzen aurrean elkarretaratzeak egin ditu.
Bihar Bizkaiko Foru Aldundiaren aurrean bilduko dira ELAko kideak, Adolfo Muñoz buru dutela. Etzi, berriz, Eusko Legebiltzarrean izango dira mobilizazioak. Protesta nagusia, ordea, ostegunean izango da. Sindikatuak ekitaldia egingo du Bilboko Casillan, eta, ondoren, manifestazioan joango dira Confebasken egoitzaraino.
Langile guztiei, baina bereziki beren enpresetako lan hitzarmenak sinatu gabe dituztenei eskatu die ELAk parte hartzeko. "Antolakuntzan aurrera egin behar dugu, eztabaidan sakondu, alternatibak planteatu... eta oraindik hitzarmen propiorik ez duten lantegietan, hitzarmena lortu".
