ELAren afiliazio tasa 0,7 puntu igo da 2008az geroztik

Urtarrilaren 23 eta 24 artean ELAk egingo duen XIII. Kongresu konfederalaren harira, afiliatu kopuruaren zenbatekoak eman ditu gaur goizean sindikatuak. Kazetari talde batekin bildu dira zuzendaritzako ordezkariak, eta bertan afiliazio datuak baieztatu dituzte. “Gardentasunari garrantzia handia ematen diogu, eta beste sektoreetan ere hori egitea eskatzen dugu”, Adolfo Muñoz ELAko idazkari nagusiaren esaneten. Bilera horretan baieztatutako datuen arabera, ELAk 2012ko irailean 105.312 afiliatu zeuzkan, horietatik 1.712 zordunak.

Afiliatu kopuruak behera egin duen arren, “jaitsiera hori soldatapeko langileen jaitsierari dagokio”, Amaia Muñoa idazkar nagusi ondokoaren esanetan. 2008ko hirugarren hiruhilekoan 1.050.800 pertsona zeuden soldatapean Euskal Herrian, eta aurtengo datuen arabera, 923.300. Beraz, sindikatuak 4.006 afiliatu galdu baditu ere, %10,34ko sindikalizazio tasa lortu du. 2008ko datuen arabera, tasa hori %9,64ean zegoen. Eta 2003 urtearekin ere alderaketa egin dute, “soldatapeko langile kopuru antzekoa zegoelako”. Eta orduko tasa ere hobetu du sindikatuak,%10,15ekoa baitzen ELAren ordezkaritza.

Datu horiek “inoizko onenak” direla esan du Muñozek, eta balorazio positiboa egin du.