Zortziehun langile ditu Condesak Araban eta Nafarroan, eta, metalgintza taldearen arazoen eraginez, 600 lanpostutik gora kolokan daude. Azaroan, ahozko itun bat lortu zuen enpresak hartzekodunen konkurtsoan ez sartzeko, baina berririk ez dutela-eta, protestara deitu dute bi sindikatuek.
300 milioi euroko zorra zuen uztailean, eta hartzekodunen konkurtso aurreko egoeran zegoen. Bi sindikatuek gogorarazi dute ia hiru hilabete igaro direla ahozko itunaren berri eman zutenetik, baina salatu dute ordutik ez dutela etorkizunaren inguruko berri gehiago izan.
