Emakunde institutuak gaur jakinarazi du espediente bat ireki diola Arrigorriagako (Bizkaia) Indusal enpresari, eta Berdintasunerako Defentsari eskatu dio sindikatuek salatu duten ustezko genero diskriminazioa iker dezan.
Emakundek ohar baten bidez azaldu du enpresako langileekin eta sindikatuekin bildu dela, eta datozen asteetan Maria Silvestre Emakundeko zuzendaria enpresako zuzendariekin elkartuko dela.
Langileek lantokian jasaten zuten genero diskriminazioa eta prekarietatea salatzeko greba egin zuten 2008an, eta sindikatuek salatu zuten horren ondorioz 21 langile kaleratu nahi zituztela.
Garbiketa enpresa da Indusal.
