Enplegua sustatzeko, 'Babarrungileak' ekimena

TOLOSA.Babarrungileak: ikusmugak ereiten izenburupean, langabeei lan mundura sartzen laguntzeko ekimena abiatuko du Tolosako Udalak. Tolosako babarrunaren laborantzarekin zerikusia duten enpresa proiektuak sortzea eta garatzea da ekimenaren helburuetako bat. Hiru fase izango ditu: lehenengoan, jendea prestatuko dute; bigarrenean, sei hilabetez lan egiteko aukera emango diete; eta, hirugarrenean, enpresa proiektuak abiatzeko bultzada emango diete.