321 milioi euro bideratuko ditu aurten Eusko Jaurlaritzak enplegua sustatzeko planera. Confebask EAEko enpresarioen elkarteak eta UGT eta CCOO sindikatuek bat egin dute planarekin.
Gaur eman dute aurrekontuaren berri, eta aipamen berezia egin diote gazteen artean enplegua sortzeari, baita ekintzaileen bitartez lana sortzeari ere.
Patxi Lopez Eusko Jaurlaritzako lehendakaria, Gemma Zabaleta Enplegu eta Gizarte Gaietako sailburua, Nuria Lopez de Gereñu Confebaskeko idazkari nagusia, Damaso Casado UGT-Euskadiko idazkari nagusia eta Unai Sordo CCOOko EAEko idazkari nagusia izan dira gaurko bileran.
