Enpresa askok egin dute bat metaleko grebarekin

DONOSTIA. Egunotan ari dira eztabaidatzen Gipuzkoako metaleko enpresak grebarekin bat egin edo ez. ELAk eta LABek jakinarazi dutenez, dagoeneko enpresa handi askok eman diote atxikimendua; tartean, Beasain eta Irungo CAF, Indar, Grupo Elay eta Lazpiur. «Gipuzkoako metalak lan hitzarmena defendatzearen alde egingo du argi eta garbi», esan dute.