Enpresaburu onenaren saria, Lanzagortarentzat

BILBO. Jose Miguel Lanzagorta Norbega Coca-Colaren botilaratze enpresako zuzendariak jaso du aurten Euskal Manager saria, EITBk eta Euskadiko Kutxak ematen dutena. Enpresa berritzailearen saria Zamudioko Progenika bioteknologia laborategiarentzat izan da; Karmel Onaindiak jaso du Bizi Osoko Enpresaburuaren saria, eta Igualatorio Medico Quirurgicorentzat izan da Makila saria.