Epsilonen auzian sei milioi galduko ditu Kutxabankek

GASTEIZ. Arabako Parke Teknologikoko akziodun diren erakundeek sei milioi euro gutxiago itzuliko dizkiote Kutxabanki, Epsilon Euskadiri emandako hipoteka baten trukean. Kutxabankek 22,5 milioi eman zizkion eraikina erosteko, baina 16,3 milioi baizik ez ditu jasoko bueltan. Beraz, likidazioan den autogintzako enpresaren erruz, sei milioi euro galduko ditu euskal finantza erakundeak.