Eraikuntzak %14,8 egin du atzera martxotik ekainera

GASTEIZ. Aurtengo bigarren hiruhilekoan %14,8ko atzeraldia izan du Araba, Bizkai eta Gipuzkoako eraikuntza jarduerak. Konparaketa lehen hiruhilekoarekin eginez gero, txikiagoa da gainbehera: %7,5ekoa. Eustat estatistika erakundeak emandako datuen arabera, jardueraren atzeraldiak enpleguan ere izan du eragina. Lehen hiruhilekotik %1,6 murriztu da sektoreko langile kopurua.