Erralde ixteko agindua berretsi du Jaurlaritzak

DURANGO. Etzi Durangoko Erralde abere hiltegia ixteko agindua eman du Eusko Jaurlaritzako Osasun Sailak. Haren arabera, hiltegiaren egiturazko arazoak «arriskutsuak izan daitezke kontsumitzaileen osasunarentzat». Osasun Sailak dio 2007az geroztik «hainbat aldiz» eskatu diola Erralderi konponketak egiteko. Hiltegiko arduradunek «arrazoi politikoei» egotzi diete ixteko agindua.