ERREGAIA. WWF/Adenak menpekotasuna salatu du

WWF/Adena talde ekologistak ohartarazi zuen petrolioarekiko menpekotasuna «oso arriskutsua» dela, «munduko hazkuntza eknomikoa arriskuan jartzen duelako». Hori dela eta, energia aurrezteko beharra azpimarratu zuen. Bestetik, herrialdeetako energia iturririk garrantzitsuena petrolioa izateari «kaltegarria» iritzi zion. Espainiaren kasua azaldu zuen talde ekologistak: «Espainiako petrolio kontsumoaren %80 inportazioak dira». Heikki Willstedtek, WWF/Adenako Aldaketa Klimatikoko adituak, energia berriztagarrietan oinarrituriko ekonomia garatu daitekeela azpimarratu zuen. «Ez da ametsa».